رواية القدر او الحب الفصل التاسع والثلاثون 39 بقلم جوري محمد
الفصل التاسع والثلاثون
القدر او الحب
بقلم جوري محمد
كم أشتهي أن أرسل لك
رسالة أولها سلام وآخرها
ختام
وبينهما ڪثير من الكلام فيه
مدح .. ثناء .. شوق .. لوم وعتاب
وفي ثنايا الرسالة أخفي
وردة خجولة ذبلت من طول
الإنتظارثم
وعندما ذهب رعد الى منزله ظل يسفر ويدندن اغاني رومانسية مما جعلها والدته تساله
مامت رعد شكلك كده في حاجه جديده بتحصل معاك
رعد حاجه زي كده بس حاسس احساس حلو مش عارف اوصفه هو الحب من اول نظره موجود فعلا
مامت رعد لا انت تقعد وتحكي لي كل حاجه بالتفصيل
رعد اولا احنا عرفنا مكان نور فين وتخيلي وليد كان عارف مكانها بس هي ما تعرفش و توفيق بيه كان عارف مكانها وبيروح يزورها وسايب ابنه على ناره علشان يربيه
مامت رعد اولا ده شيء متوقع ان وليد يكون عارف انما توفيق حلوه منه ولكن انت عايز تفهمني ان علشان نور عرفته مكانها اللمعة دي في عينيك
رعد هتعرفي دلوقتي وبدا يحكي لها ازاي قابل نور وبسمه ومامته تضحك على كل الكلام اللي قالته بسمه
مامته دي شكلها دمها شربات يا رعد غير كده شكلها جدعه فعلا وهتشيل اسمك وتحافظ عليه ده لو انت نويت تتمم الموضوع بس لازم اتعرف عليها الاول
وقطع كلامهم عندما وصل لرعد اتصال من رقم غريب
رعد الرقم ده غريب مش عارف مين
مامته عندي احساس انها البنت افتح كده وافتح الميكروفون عايزه اسمع هي هتقول لك ايه عشان اديك راي النهائي
وفعلا رعد فتح التليفون الو مين معايا
بسمه انا بسمه استاذ رعد انا بتصل بيك علشان اعتذر ليك بسبب الموقف اللي انا حطيتك فيه انا عارفه اني غبيه والله عمري ما كذبت مش عارفه ليه جات الكذبه دي على لساني وبسمه تحدث وصوتها مخنوق بالبكاء
رعد طيب انت بتعيطي ليه دلوقتي
بسمه علشان انا مش عايزه اورطك اكتر من كده وكمان عايزه اطلب منك طلب ما تقولش لمامتك
رعد اولا انا ما تورطتش ولا حاجه غير كده ما اقولش لمامتي ليه
بسمه وهي تبكي لان مامتك هتقول عليا اني بنت مش كويسه واستغليت الفرصة دي عشان اورط ابنها
مامت رعد وهي تبتسم على طيبه قلب بسمه وقامت باعطاء اشاره لرعد انها موفقه وسوف تحضر معاه
رعد سيبيها على الله وانا ما اتورطتش ولا حاجه وماما كمان هتيجي معايا
بسمه يبقى انت ناوي تقول لها
رعد طبعا ازاي اروح اتجوز من غير ما اقول لها اهدي يا بنتي واغسلي وشك ونامي علشان مش عايز خطيبتي يبقى شكلها مش حلو يوم خطوبتنا
بسمه ربنا يستر تصبح على خير
رعد وانت من اهل الخير واغلق الهاتف وظل يضحك هو ووالدته
مامته دي طيوبه خالص مش عسل بس طيبه كمان
رعد فعلا بقول لك ايه يا ماما احنا لو قعدنا نتكلم للصبح هتروح عليا نومه ورايا شغل تصبحي على خير يا حبيبتي
مامته تلاقي الخير يا حبيبي
وصعد رعد الى غرفته وهو على وجه ابتسامه كلما يتذكر بسمه وهي تتحدث وطريقه ضربها للأولاد
رعد وهو يضحك ربنا يستر ما يطلعش ليها ادم هي الثانية
وعدت الايام وكل يوم يتصل رعد ببسمه صباحا ومساء لكي يطمئن عليها وجاء يوم الخطوبة
و حاضر مع رعد وليد و فاطمه و توفيق وادم عند بيت ام بسمه
نور كانت واقفه بره امام المنزل لكي تطمئن على الترتيبات
وهنا شاهدت ادم و وليد وهم يقتربان منها يا لهوي وبتجري
وليد ايه يا قلب اخوكي مش هتيجي في حضني هو انا ما وحشتكيش للدرجة دي علشان تجري اول ما تشوفيني
نور وقفت وجريت في حضن وليد وقعدت تعيط وحشتني قوي يا قلب اختك انت عامل ايه
وليد ايه ده بقى هو انا بدل ما امسح الدموع من عين اختي اروح مزودها
نور عمرك ما كنت سبب حزني يا وليد انت عارف انت السند والامان ليا
ادم ....وانا يا نور ما وحشتكيش
نور ...لا جاءت تجري وهي تبتسم
ادم... مسك ايديها طيب عيني في عينك كده
نور.. اهو وقامت بتوجيه عينيها مباشره في عين ادم بتحدي
ادم ..وحشتني عنيك وغضبك وكلامك و صوتك ونفسيك ونبض قلبك اللي كنت بسمعه
وليد... ايه يا عم فالنتينو انتم في الشارع اطلعوا فوق وقول اللي انتم عايزينه
ادم.. والله انت فصيل يا وليد كنت خليتن قلت الكلمتين وخلاص
نور..... بتضحك خلاص مصدقاك وانت كمان واحشني بس كده
ادم.... بس كده دي كفايه ورضاه قوي ده احنا اتطورنا
نور يلا خلينا نطلع علشان العريس وصل وطلع كمان
نور صعدت ودخلت غرفه بسمه التي يتم تجهيزها فيها يلا يا نسمه
بسمه انا خايفه قوي يا نور
نور اهدي كده يا حبيبتي دي قراءه فاتحه لو ما عجبكيش الموضوع مش هنتممه بعد كده يلا بقى علشان الناس بره
بسمه انا عندي احساس ان حاجه هتحصل ان فرحتي مش هتتم
نور هيحصل كل خير ان شاء الله
وهنا بسمه خارجه وكانت عسوله
مامت. رعد.. بسم الله ما شاء الله عسل وقمر ربنا يتمم لكم على خير تعالى يا حبيبتي اقعدي جنبي
بسمه ...حاضر يا طنط حضرتك كمان زي القمر واللي يشوفك يقول اخت رعد مش مامته ما شاء الله
رعد ...ربنا يسترها دي طلعت بتتكسف و قرب منها قوي
نسمه... ابعد ما تقربش كده عيب
رعد...انت بتتكسفي يا قمر ومسك ايديها
نسمه... ايدك لتوحشك دي قراءه فاتحه بس مش كتب كتاب
رعد قطه بتخربش وبيطلع لها ضوافر وقت اللزوم بس شكلي كده بقيت احبها كلهم قعدوا يضحكوا
بسمه وهي بتتفاجئ بكلام رعد ونظرت الى نور ثم الى الارض واصبح وجهها احمر مثل الطماطم
مامت رعد اسكت يا رعد انت كسفت البنت يا حبيبتي وهي تضم بسمه الى صدرها انتي من الوقت ده بنتي معلش بقى يا ام بسمه من اللحظة دي هتقول لي ماما انا كان نفسي يبقى عندي بنت بس ما حصلش نصيب بس اللحظة دي ربنا رزقني ببنت قمرايه
والده بسمه وهي تبتسم لشعورها بالسعادة ان ربنا كرم بنتها بعيله زي دي هتعيش وسطيهم وانها لو ماتت هتسيبها وهي مطمنه يا حبيبتي ده شرف لينا
وكل الكلام ده رعد وبسمه ما خدوش بالهم منه لان رعد قاعد يمسك ايد بسمه وبسمه تشيل ايده
خالتها خليه يمسكها يا فوزيه خلينا نخلص منك بقى والكل قعد بيضحكوا
ولكنهم تفاجئوا عند دخول شخص غير مرغوب في تواجده قرأيه فاتحه ايه اللي تتقري انا كتبت كتابها خلاص وهي عارفه الكلام ده ومن زمان
اثبت واقع حضره الضابط المدام بتتجوز وهي على ذمه راجل تأني
ام بسمه منك لله يا شيخ
وسكت الجميع وانهارت بسمه وفقدت الوعي
يا ترى مين اللي دخل وايه اللي هيحصل هو حظ رعد كده دايما في ادم ايه الحكايه يا ريت تتفاعلوا علشان نعرف ايه حكاية رعد وحظه الفقري ده
